Xankəndi şəhərinin Kərkicahan qəsəbəsində qaz təsərrüfatında yenidənqurma işləri aparılır. Qəsəbədə yerüstü xətlər yeraltı xətlərlə əvəz edilib. Ümumilikdə, 500 poqonometr polietilen qaz xətti çəkilib, 30 ev qazlaşdırılıb. Bütün evlər SMART tipli qaz sayğacları ilə təchiz olunub.
Ağdərənin Vəngli kəndində isə indiyə qədər 130 evə qaz verilib, sayğaclaşdırılıb. İlin axırına qədər 26 ev təbii qazla təmin ediləcək. Hazırda bu evlərdə sayğaclar quraşdırılır. Müxtəlif diametrli borularla çəkilən qaz xətləri isə ümumilikdə 300 ev üçün nəzərdə tutulur.